◀ أولاً: بالنسبة للوحدات السكنية :

1 – عشان تتأكد إن العقار اللى هتشترى أو تأجر فيه صادر له رخصة بناء:
– بتتوجة للحى أو الوحدة المحلية و تتأكد إن العقار صادر له ترخيص بناء أو تعلية و ليس محرر ضده محاضر مخالفات بناء للعقار, و تتأكد من رقم الترخيص والجهة اللى صادر منها وعدد الأدوار والوحدات المرخص بها والبيانات الخاصة بأمـاكـن إيـواء السيـارات وتركـيب المصاعـد
لضمان إن العقار ليس متعدياً على أملاك الدولة.
 
2 – الإيجار الجديد: لضمان حقوق المالك والمُستأجر ولضمان إخلاء المستأجر للوحدة بعد إنتهاء مدة الإيجار., يتوجه المالك والمستأجر للشهر العقارى لتوثيق عقد الإيجار.
 
3 – ضرورى تراجع مستندات الملكية للمالك للتحقيق من صفته وهل له حق التصرف بالبيع بصفة أصلية أو بتوكيل ..!! و لازم يكون سند الملكية مسجل بالشهر العقارى.
 
4 – إمتنع عن الشراء فى حالة إذا كان البائع ليس لديه صفة قانونية للبيع أو التأجير عشان ماتوقعش نفسك فى عملية نصب.
 
5 – يحذر تشترى شقة من غير عداد كهرباء عادى “رقم حديدة” وليس عداد ممارسة أو كودى.
 

◀ ثانياً: بالنسبة للأراضى.

1 – لازم تشوف العقود و تتأكد من ملكية الشركة المعلنة عن الأراضى المطروحة للبيع،
و ده عن طريق هيئة المجتمعات العمرانية الجديدة إذا كانت الأراضى فى المدن الجديدة،
أو من الحى إذا كانت فى المدن القديمة.
 
2 – راجع عقود ملكية الشركة للأراضى و إتأكد من قانونيتها,, ونقل ملكيتها بالكامل للشركة وليس بتنازل شخص لآخر، أو عقد بحق إنتفاع ., عشان تضمن عدم وجود خلافات على الأرض أو خلاف على ملكيتها.
 
3 – إحمى نفسك : و ده من خلال وضع شرط جزائي فى العقد مع الشركة
ينص بوضوح على إن: الوحدة السكنية مباعة ليك وحدك ، وفى حالة ثبوت العكس هيتم دفع تعويض قدره ضعف قيمة الوحدة . 👌
 

◀ خد باللك .!! النصب مش بس بيكون عن طريق عدم إستلامك للوحدة ..؟؟

– إنما كمان بيكون عن طريق: عدم وجود تراخيص مرافق للعقار زى المياه والكهرباء،
و إن الشركة المالكة بتقوم بسرقة الكهرباء لتنير المبنى.
– و بـ كدا مش هتقدر تمتلك عدادات مياه أو كهرباء بإسمك رغم إنك مالك حقيقى للوحدة
ودفعت مبلغ يقترب من 2000 جنيه فى بعض الحالات كقيمة عداد الكهرباء.
 

◀ وفى النهاية دور على الشركات المعروفة ، و موثوق فيها من خلال معاملاتها السابقة. 👍✌

عيون دايماً هدفها مصلحتك 🙂

#عيون_مستشارك_العقارى #حلمك_موجود